Letste Flarussen niëjs
Gestart met de veurbereiding veur ôs nieje veurstelling
Op 10 oktober hebben we as Flarusse ôs jaorliks fiës gehalde. Ut waas weer erg gezellig en beej deze gelaegeheid krege we auk mier te huure euver ôs niëe veurstelling.
Daorbeej woorde auk de rolle verdeild door ôs regieduo
We zien weer begonne met repetere en we hebben dr allemaol weer zin in!
Sociëteit De Flarussen kump in 2027 met eur niëste oëtvoering: Hool in Wan!
Bliërick kan zich weer opmake veur eine aovend vol lachsalvo’s, herkinbare situaties en onvervalste Bliërickse humor. zet ut alvas in ôgge agenda
Dit hiëlarische toonielstök wuuerd oëtgevoerd op 18-19-20 en 25-26-27 november 2027.
Aafschied van Paula Nelissen as regiseusse
Beej de letste jaorvergadering haet Paula verteld det ut stop met ut regiseere van de Flarusse.
Paula haet sinds de herstart van de Flarusse alle veurstellinge geregisseerd dus det waar wel effe un momentje. Maar Paula blief waal lid van de Flarusse dus we hoove eur neet te misse.
We winse Paula vuul plezeer en succes met eur niëe creatieve oetdaginge en wae wet wat de toekoms ôs bringk.
Ein nie regieduo
We hadde as Flarusse de mazzel det we bijna metein eine nieje regisseur hadde.
Marcel Claessen. Carla Nijzink waas ierder al as regieassistente betrokke en nôw gaon zeej same de regie doon.
Marcel haet in de aafgelaupe veurstelling meigespeuld. Daornaeve haet hae beej vuul andere vereiniginge gespeuld en auk al ierdere ervaringe in regisseere.
Ze hebbe dr zin in um same met de andere Flarusse un moeie en veural leuke veurstelling te make.
Aafschied van Gerard Gielen as veurzitter
Gerard is gestop as veurzitter. Hae haet vuul veur de vereiniging beteikent en op vuul gebiede de ker getrôkke. Gerard waas auk actief beej de PR, sponsoring, decor en as produksieleider
Weej winse um ut allerbeste en vuul sukses en plezeer met zien nieje oetdaginge.
François Tebbe völt veurluipig de rol in van veurzitter tot dr unne nieje is.
We hebbe nog neet alle foto’s kinnen vervange met de nieë bezetting.
Un nie produksieleidster
Auk ut vinde van emes dae de produksieleiding op zich woel neme is snel gegaon.
Daorveur hebbe we Tessa Verhoeckx bereid gevônde.
Tessa haet ondanks eure jonge laeftied al vuul ervaring in diverse theater- en muziekprojecte veur en achter de scherme en in bestuursfuncties beej andere organisasies.
Ze studeerde aan de Nederlandse Musical Academie en volgde lesse aan De Zang- en Theaterschool Nijmegen.
Tessa is al enthousiast aan deze oetdaging begônne en same gaon we dr ein top produksie van make!
