veur soosjul media klik ge op de knuupkes heej ônder
Produksie 2015
“Kôm mei”
Geschreve door Willem Gerats en Wil Coopmans
Liedjes Peter Jansen
Regiseuse Paula Nelissen
klik op ut programmabukske um dit on-line te bekieke
[rev_slider slider7]
Bliërick kan zich weer opmake veur eine aovend vol lachsalvo’s, herkinbare situaties en onvervalste Bliërickse humor.
Sociëteit De Flarussen prissenteert eur niëste oëtvoering: ’t Kump wie ’t kump!
Dit hiëlarische toonielstök wuuerd oëtgevoerd op 20, 21, 22, 27, 28 en 29 november 2025.
’t Stök neemt och mei nao de keuke van de femilie Billekens, ein doorsnee Bliëricks gezin wao ‘t dageliks laeve zich aafspeult tösse rondslingerende schoon, un euvervolle keuketaofel en un eindelooze stroum van femilieleje die in en oët loupe.
Piet, de inwoënende opa, mompelt aaf en toe det hae vruueger mier rös had in de febriek dan now in zien eige hoës. Mooder Bea duit eur oëterste bes um idderein in ‘t gareel te halde, maar det is gen gemekkelike opgave, met vief dochters die elk eur eige planne en probleme hebbe.
As extra hölp kump ein gezinsverzörgster, Marlene vom Wolf oët Lobberich, der beej. un pittige tante die presies wet wie ze ein hoëshalde naor eur hand kin zette.
Tot groët genoege van de ein en tot groëte ergernis van de ander.
Zoëas geej van de Flarussen gewind ziet, zit in dees oëtvoering weer vuuel humor, dolkomische gesprekke en sketsjes die ’t Bliërickse publiek weer zulle laote schatere van ’t lache. Maar naeve de komische note is der ouk ruuemte veur emotie en herkinning.
De oëtvoering is ein iërbetoen aan ’t laeve zoëas ’t now is: vol verrassinge, oëtdaginge en momente wao men dan baeter kin zegge: ’t kump wie ’t kump!
De kaartverkoup van dees veurstelling geit dit jaor via ein Ticketbureau en start vanaaf
1 september 2025.
De link heejveur zal t.z.t. bekind gemakt waere op de site van De Flarussen, via de sociale media kanalen en in de Flarussen Courant dae hoes aan hoes in Bliërick en umgaeving bezörg zal waere.
Taevns kump der ein meugelikheid um hölp te kriege beej ’t bestelle van de kaarte, dit zal dan in ’t Raodhoes zien, dit kan dan op maondaag 22 september 2025 vanaaf 19.00 oor tot 21.00 oor.
Sociëteit De Flarussen steit weer garant veur eine aovend vol spektakel en ein gezönde dosis zelfspot. Dus zet ’t in ogge agenda, trommel och vrinde en kinnise op en maak och klaor veur eine aovend waorbeej och lachspiere flink aan ’t werk waere gezatte.